9 oktyabr 2024, çərşənbə

Sənin kəlamın çox safdır, Bu qulun onu sevir.

ZƏBUR 119:140

Rəbbin qayda-qanunları düzdür, ürəyi sevindirir, Rəbbin əmrləri pakdır, gözləri aydın edir.

ZƏBUR 19:8

Allahın hər bir kəlamı safdır, Ona pənah gətirənlərin sipəri Odur. Onun sözünə heç nəyi əlavə etmə, Yoxsa səni tənbeh edər, yalanını çıxarar.

SÜLEYMANIN MƏSƏLLƏRİ 30:5-6

Sənə qarşı günah etməyim deyə Kəlamını qəlbimdə qoruyub saxlamışam.

ZƏBUR 119:11

Qayda-qanunlarını dərindən düşünürəm, Sənin yollarından gözümü çəkmirəm.

ZƏBUR 119:15

Nəhayət, qardaşlar, doğru, ləyaqətli, saleh, pak, cazibəli, etibarlı nə varsa, əgər əla və tərifə layiq nə varsa, bunları düşünün.

FİLİPİLİLƏRƏ 4:8

Anadan təzə olmuş çağalar kimi pak ruhani südə susayın ki, bununla bəslənib böyüyərək xilasa nail olasınız.

1 PETER 2:2

Axı biz çoxları kimi Allah kəlamının alverçiləri deyilik; əksinə, Allah tərəfindən göndərilib Allahın hüzurunda, Məsihdə olaraq səmimi qəlbdən danışırıq.

2 KORİNFLİLƏRƏ 2:17

Xəcalət gətirən gizli yolları rədd etmişik. Hiylə işlətmirik, Allahın sözünü təhrif etmirik, amma həqiqəti açıq elan etməklə Allahın önündə, hər insanın vicdanı qarşısında özümüz barədə zəmanət veririk.

2 KORİNFLİLƏRƏ 4:2