20 yanvar 2025, bazar ertəsi

Sizsə Məsihinsiniz, Məsih də Allahındır.

1 KORİNFLİLƏRƏ 3:23

Mən sevgiliminkiyəm, Onun meyl etdiyi mənəm.

NƏĞMƏLƏR NƏĞMƏSİ 7:10

Sevgilim mənimdir, mən də onunam, O, sürüsünü zanbaqlıq içərisində otarır.

NƏĞMƏLƏR NƏĞMƏSİ 2:16

Məsihlə birlikdə çarmıxa çəkildim. Artıq mən yaşamıram, Məsih məndə yaşayır. İndi cismən yaşadığım həyata gəlincə məni sevib uğrumda Özünü fəda edən Allahın Oğluna olan imanla yaşayıram.

QALATİYALILARA 2:20

Məgər bilmirsiniz ki, bədəniniz Allahdan aldığınız, sizdə yaşayan Müqəddəs Ruhun məbədidir? Siz özünüzə məxsus deyilsiniz, çox baha qiymətə satın alınmısınız. Beləliklə, bədəninizlə Allaha izzət gətirin.

1 KORİNFLİLƏRƏ 6:19-20

Sizə gəldikdə isə, Rəbb sizi götürüb dəmirəridən soba içindən – Misirdən çıxarıb ki, bugünkü kimi Ona məxsus xalq olasınız.

QANUNUN TƏKRARI 4:20

Çünki biz Allahın əməkdaşlarıyıq. Sizsə Allahın zəmisi, Allahın tikilisisiniz.

1 KORİNFLİLƏRƏ 3:9

Amma Məsih Onun evi üzərində Oğul olaraq sadiqdir. Əgər biz cəsarətimizi və fəxr etdiyimiz ümidi qoruyub saxlasaq, Onun evi bizik.

İBRANİLƏRƏ 3:6

özünüz də diri daşlar kimi hörülün ki, ruhani ev qurulsun. Orada müqəddəs kahin dəstəsi olasınız və İsa Məsih vasitəsilə Allaha məqbul olan ruhani qurbanlar təqdim edəsiniz.

1 PETER 2:5

Ordular Rəbbi deyir: «Fəaliyyətə keçdiyim gün onlar Mənə məxsus xalq olacaq. Bir ata özünə xidmət edən oğluna necə rəhm edərsə, Mən də onlara elə rəhm edəcəyəm.

MALAKİ 3:17

Mənim olan hər şey Sənindir, Sənin olanlar da Mənimdir və Mən onlarda izzətlənmişəm.

YƏHYA 17:10

Qoy O, qəlbinizin gözünü nurlandırsın ki, Onun çağırışından yaranan ümidin nə olduğunu, müqəddəslərə verdiyi irsin izzətinin necə zəngin olduğunu,

EFESLİLƏRƏ 1:18