5 mart 2025, çərşənbə

Makedoniyaya gələndə də cismən dinclik tapmadıq. Hər tərəfdən əziyyət çəkirdik. Bayırda çəkişmələr, daxildə qorxular var idi.

2 KORİNFLİLƏRƏ 7:5

O dedi: «Qorxma, çünki bizimlə olanlar onlarla olanlardan çoxdur».

İKİNCİ PADŞAHLAR 6:16

Nəhayət, Rəbdə və Onun böyük qüvvəsində möhkəmlənin.

EFESLİLƏRƏ 6:10

Allah qalamdır, mənə qüvvət verər, Yolumu kamil edər.

İKİNCİ ŞAMUEL 22:33

Əllərimə döyüş təlimi verər, Qollarım tunc kamanı dartar.

İKİNCİ ŞAMUEL 22:35

Özümüzdən yaranan qabiliyyətimiz yoxdur və bunu iddia da edə bilmərik. Bizə qabiliyyət verən Allahdır.

2 KORİNFLİLƏRƏ 3:5

Rəbdən qorxanları Onun mələyi müdafiə edər, Onlara zəfər verər.

ZƏBUR 34:7

Sonra Elişa dua edib dedi: «Ya Rəbb, onun gözlərini aç ki, görsün». Rəbb nökərin gözlərini açdı və o gördü ki, dağ odlu atlar və döyüş arabaları ilə doludur. Onlar Elişanı əhatəyə almışdı.

İKİNCİ PADŞAHLAR 6:17

Daha nə deyə bilərəm? Gideon, Baraq, Şimşon, İftah, Davud, Şamuel və başqa peyğəmbərlər barəsində danışsam, vaxtım çatmaz. İman vasitəsilə onlar padşahlıqları məğlub etdilər, ədaləti icra etdilər, vədlərə nail oldular, aslanların ağızlarını bağladılar, şiddətli alovu söndürdülər, qılıncın ağzından qaçdılar, zəiflikdən qüvvətləndilər, döyüşdə güclü oldular, yadellilərin ordularını qovdular.

İBRANİLƏRƏ 11:32-34