25 iyul 2025, cümə

Doğrusunu, doğrusunu sizə deyirəm: Mənim sözümə qulaq asıb Məni Göndərənə inanan şəxs əbədi həyata malikdir və ona hökm çıxarılmayacaq, əksinə, ölümdən həyata keçib.

YƏHYA 5:24

Oğula malik olan şəxsin həyatı var, Allahın Oğluna malik olmayan şəxsin isə həyatı yoxdur.

1 YƏHYA 5:12

Bizi sizlərlə birlikdə Məsihə möhkəm bağlayan və bizi məsh edən Allahdır. O bizi möhürlədi və Ruhunu qəlbimizdə girov qoydu.

2 KORİNFLİLƏRƏ 1:21-22

19-Bununla həqiqətdən olduğumuzu biləcəyik və ürəyimiz bizi məhkum edirsə, ürəyimizi Allahın önündə sakitləşdirəcəyik. Çünki Allah bizim ürəyimizdən üstündür və hər şeyi bilir.

1 YƏHYA 3:19

Ey sevimlilər, əgər ürəyimiz bizi məhkum etmirsə, demək, Allahın hüzurunda cəsarətlə danışa bilərik

1 YƏHYA 3:21

Bilirik ki, biz Allahdanıq, amma bütün dünya şər olanın hakimiyyəti altındadır.

1 YƏHYA 5:19

Siz bir zamanlar təqsirləriniz və günahlarınız üzündən ölü idiniz.

EFESLİLƏRƏ 2:1

təqsirlərimiz üzündən ölü olduğumuz halda bizə Məsihlə birlikdə həyat verdi. Onun lütfü ilə xilas oldunuz.

EFESLİLƏRƏ 2:5

O bizi zülmət hakimiyyətindən xilas edib Öz sevimli Oğlunun Padşahlığına köçürtdü.

KOLOSSELİLƏRƏ 1:13