29 noyabr 2025, şənbə

Rəbdən bir arzum, bir istəyim var: Bütün ömrüm boyu Rəbbin evində yaşayım, Məbədində Rəbbin camalına baxım, Ona pərəstiş edim.

ZƏBUR 27:4

Nə bəxtiyardır salehlik üçün acıb-susayanlar! Çünki onlar doyacaq.

MATTA 5:6

Acları nemətlərlə doydurdu, Varlıları isə əliboş yola saldı.

LUKA 1:53

Çünki O, susuzlara doyunca su verər, Acları bol nemətlərlə bəslər.

ZƏBUR 107:9

İsa onlara dedi: «Həyat çörəyi Mənəm. Mənim yanıma gələn heç vaxt acmaz, Mənə iman edən heç vaxt susamaz.

YƏHYA 6:35

Ey Allah, məhəbbətin nə qədər qiymətlidir! Bəşər övladları Sənin qanadlarının kölgəsinə sığınır. Evinin bolluğu ilə onları doydurursan, Sənin xoşhal edən axar çayından onları içirirsən. Çünki həyat mənbəyi Səndədir, Biz Sənin nurunla görə bilirik.

ZƏBUR 36:7-9