29 yanvar 2026, cümə axşamı

Ya Rəbb, məni yoxlayaraq tanıdın, Oturuşumu-duruşumu Özün bilirsən, Fikirlərimi uzaqdan duyursan. Getməyimə, yatmağıma nəzarət edirsən, Nə yollardan keçdiyimi bilirsən. Sözlərimi dilə gətirməmişdən əvvəl, Ya Rəbb, hamısını tamamilə bilirsən.

ZƏBUR 139:1-4

Bu bilik əsrarəngizdir, məndən yüksəkdir, Bunu dərk edə bilmərəm.

ZƏBUR 139:6

Rəbbin gözü hər yerə baxar, Pislərə, yaxşılara nəzər salar.

SÜLEYMANIN MƏSƏLLƏRİ 15:3

İnsanların yolları Rəbbin gözü qarşısındadır, Onların hər addımlarını yoxlayır.

SÜLEYMANIN MƏSƏLLƏRİ 5:21

İsa da onlara belə dedi: «İnsanların qarşısında özünüzü saleh göstərən sizsiniz, amma Allah sizin ürəyinizi bilir. Çünki insanlar arasında uca tutulan şey Allah qarşısında iyrənclikdir.

LUKA 16:15

Çünki Rəbbin gözləri yer üzünü seyr edir ki, ürəyi bütünlüklə Onunla olanları qüvvətləndirsin. Ağılsızlıq etdin. İndidən sənə müharibə olacaq».

İKİNCİ SALNAMƏLƏR 16:9

Amma İsa bütün adamların daxilini bildiyi üçün onlara güvənməzdi. Bir adam haqqında kiminsə Ona şəhadət etməsinə ehtiyacı yox idi, çünki insanın ürəyindən keçənləri bilirdi.

YƏHYA 2:24-25

Üçüncü dəfə Peterə dedi: «Ey Yəhya oğlu Şimon, Məni sevirsənmi?» Peter üçüncü dəfə İsanın ona «Məni sevirsənmi?» sualını verməyinə kədərləndi və Ona dedi: «Ya Rəbb, Sən hər şeyi bilirsən, Səni sevdiyimi bilirsən». İsa ona dedi: «Quzularımı bəslə.

YƏHYA 21:17