12 mart 2023, bazar

Allahı heç kəs heç vaxt görməyib, amma Atanın qucağında olan və Allah olan vahid Oğul Onu tanıtdı.

YƏHYA 1:18

Oğul Allahın izzətinin əksi və mahiyyətinin tam surətidir. O hər şeyi qüdrətli kəlamı ilə saxlayır. O, günahlardan təmizlənməni təmin edəndən sonra ucalarda möhtəşəm Allahın sağında oturdu.

İBRANİLƏRƏ 1:3

Onları bu dövrün allahı korazehin etdi ki, Allahın surəti olan Məsihin ehtişamlı Müjdəsinin işığı imansızların üzərinə doğmasın.

2 KORİNFLİLƏRƏ 4:4

Bəndənin üstünə üzünün nurunu sal, Məhəbbətinlə məni qurtar. Ya Rəbb, məni xəcalətdə qoyma, Çünki Səni çağırıram. Qoy pislər utansın, Qoy ölülər diyarında səsləri batsın.

ZƏBUR 31:16-17

Ya Rəbb, lütfünlə məni Bir dağ kimi möhkəm etdin. Sonra məndən üz gizlətdin, Canıma vəlvələ düşdü.

ZƏBUR 30:7

Bayram şənliyində olan xalq nə bəxtiyardır! Ya Rəbb, onlar Sənin üzünün nurunda gəzər.

ZƏBUR 89:15

Rəbb Öz xalqına qüvvət verir, O, xalqına firavanlıq və bərəkət verir.

ZƏBUR 29:11

Lakin bu anda İsa onlara müraciət edib dedi: «Cəsarətli olun, Mənəm, qorxmayın!»

MATTA 14:27