24 noyabr 2023, cümə

Amma tutduğum yolu O tanıyır, Məni sınayan zaman qızıl kimi çıxaram.

ƏYYUB 23:10

Ya Rəbb, məni yoxlayaraq tanıdın, Oturuşumu-duruşumu Özün bilirsən, Fikirlərimi uzaqdan duyursan. Getməyimə, yatmağıma nəzarət edirsən, Nə yollardan keçdiyimi bilirsən.

ZƏBUR 139:1-3

Hara gedim ki, Ruhun orada olmasın? Hara qaçım ki, hüzurunda olmayım?

ZƏBUR 139:7

Qanad alıb gündoğana uçsam belə, Dənizi keçib günbatana qonsam belə, Sənin sağ əlin bələdçim olacaq, Sağ əlin məni qoruyacaq.

ZƏBUR 139:9-10

İlyas təbiətcə bizim kimi bir adam idi və o səylə dua etdi ki, yağış olmasın. Üç il altı ay torpağa yağış yağmadı.

YAQUB 5:17

İnsandan qorxan özünü tələyə salar, Amma Rəbbə güvənən arxayın yaşar.

SÜLEYMANIN MƏSƏLLƏRİ 29:25

Bu insan büdrəsə də, yıxılmaz, Çünki Rəbb onun əlindən tutar.

ZƏBUR 37:24

Saleh yeddi dəfə yıxılsa belə, yenə qalxar, Şər insan büdrəsə, bəlaya düçar olar.

SÜLEYMANIN MƏSƏLLƏRİ 24:16

Yaxşılıq edərkən ruhdan düşməyək. Çünki əgər həvəsdən düşməsək, vaxtında biçərik.

QALATİYALILARA 6:9

Oyaq durub dua edin ki, sınağa düşməyəsiniz. Ruh həvəsli, cisim isə gücsüzdür».

MATTA 26:41

Ata övladlarına rəhm etdiyi kimi Rəbb də Ondan qorxanlara elə rəhm edir.

ZƏBUR 103:13