29 yanvar 2024, bazar ertəsi

Kim ki şükür qurbanı təqdim edir, Məni şərəfləndirir. Doğru yol tutan şəxsə Allahın xilasını göstərəcəyəm».

ZƏBUR 50:23

Nə yaxşıdır Rəbbə şükür etmək, Ey Haqq-Taala, isminə tərənnüm söyləmək, Hər səhər məhəbbətini elan etmək, Hər gecə sədaqətini bəyan etmək,

ZƏBUR 92:1-2

Ey bütün canlı varlıqlar, Rəbbə həmd edin! Rəbbə həmd edin!

ZƏBUR 150:6

Beləliklə, ey qardaşlar, Allahın mərhəməti xatirinə sizə yalvarıram ki, bədənlərinizi diri, müqəddəs və Allahı razı salan bir qurban olaraq Ona təqdim edin; bu sizin ağılla etdiyiniz ibadətdir.

ROMALILARA 12:1

Bunun kimi İsa da Öz qanı ilə xalqı təqdis etmək üçün şəhər darvazasının kənarında əzab çəkdi.

İBRANİLƏRƏ 13:12

Onda İsa vasitəsilə həmişə Allaha həmd qurbanını, yəni Onun adını iqrar edənlərin dilinin bəhrəsi olan sözləri təqdim edək.

İBRANİLƏRƏ 13:15

Həmişə hər şeyə görə Rəbbimiz İsa Məsihin adı ilə Ata Allaha şükür edin.

EFESLİLƏRƏ 5:20

Onlar uca səslə deyirdi: «Kəsilmiş Quzu Qüdrəti, sərvəti, hikməti, qüvvəti, Şərəfi, izzəti və alqışı Almağa layiqdir».

VƏHY 5:12