30 dekabr 2024, bazar ertəsi

Əgər biz «Allahla şərikliyimiz var» dediyimiz halda qaranlıqda gəziriksə, demək, yalan danışırıq və həqiqətə əməl etmirik. Amma O, nurda olduğu kimi biz də nurda gəziriksə, onda bir-birimizlə şərikliyimiz var və Onun Oğlu İsanın qanı bizi hər günahdan təmizləyir.

1 YƏHYA 1:6-7

İsa ona dedi: «Çimmiş adam üçün təkcə ayaqlarını yumaq kifayətdir, çünki başdan-başa təmizdir. Siz də təmizsiniz, amma hamınız yox».

YƏHYA 13:10

Sənə hikmət yolunun təlimini verirəm, Düz yolda gəzdirirəm. Gedəndə addımların büdrəməz, Qaçanda ayaqların sürüşməz. Aldığın tərbiyəyə bağlan, ayrılma, Onu saxla, o sənin həyatındır.

SÜLEYMANIN MƏSƏLLƏRİ 4:11-13

Çəkil, bu yolun yaxınından belə, keçmə, Uzaq dur, başqa bir səmtdən yolu keç.

SÜLEYMANIN MƏSƏLLƏRİ 4:15

Rəbb məni hər cür pis əməldən qurtaracaq və Öz Səmavi Padşahlığı üçün xilas edəcək. Ona əbədi olaraq izzət olsun! Amin.

2 TİMOTEYƏ 4:18