31 dekabr 2024, çərşənbə axşamı

Demirəm ki, indi bunlara malik olmuşam və yaxud kamilləşmişəm. Amma hədəfdən tutmaq üçün qaçıram. Çünki Məsih İsa məni bu məqsəd üçün tutub.

FİLİPİLİLƏRƏ 3:12

Ona görə də Səmavi Atanız kamil olduğu kimi siz də kamil olun.

MATTA 5:48

Elə buna görə də siz bütün səylə imanınıza alicənablıq, alicənablığınıza bilik, biliyinizə nəfsə hakim olmaq, nəfsə hakim olmağınıza dözüm, dözümünüzə möminlik, möminliyinizə qardaşlıq sevgisi və qardaşlıq sevgisinə məhəbbət əlavə edin.

2 PETER 1:5-7

Dua edirəm ki, məhəbbətiniz bilik və hər cür idrak baxımından get-gedə daha çox artsın,

FİLİPİLİLƏRƏ 1:9

Amma necə ki yazılmışdı: «Allahın Onu sevənlər üçün hazırladıqlarını Nə göz görüb, nə qulaq eşidib, Nə də insan ürəyi dərk edib». Bizə isə Allah bunları Öz Ruhu ilə açdı. Çünki Ruh hər bir şeyi, Allahın dərin düşüncələrini belə, araşdırır.

1 KORİNFLİLƏRƏ 2:9-10

Beləcə Allahın xalqı üçün hələ də bir istirahət qalır.

İBRANİLƏRƏ 4:9

Gözlərin padşahı bütün gözəlliyi ilə görəcək, Ucsuz-bucaqsız ölkəni seyr edəcək.

YEŞAYA 33:17