24 avqust 2025, bazar

Adamlar ona həqarətlə baxıb rədd etdi. O, dərdli, xəstəlikləri görən insan idi, Adamlar ondan üz döndərdi, xor baxdı. Biz ona qiymət vermədik.

YEŞAYA 53:3

Çünki bizim Baş Kahinimiz belə deyil ki, zəifliklərimizdə bizim halımıza acıya bilməsin. Əksinə, hər cəhətdən bizim kimi sınağa çəkilmiş, lakin günah etməmişdir.

İBRANİLƏRƏ 4:15

Bu, Yeşaya peyğəmbər vasitəsilə söylənən bu sözlər yerinə yetsin deyə baş verdi: «Bizim xəstəliklərimizi O çəkdi, Naxoşluqlarımızı Öz üzərinə götürdü».

MATTA 8:17

Yaqubun quyusu orada idi. Yol İsanı yorduğu üçün quyunun yanında oturdu. Altıncı saat radələri idi.

YƏHYA 4:6

İsa onun və yanında gələn Yəhudilərin ağladığını görəndə əhvalı pozuldu və təlaşa düşdü.

YƏHYA 11:33

İsa ağladı.

YƏHYA 11:35

Çünki Özü sınağa çəkilib əzab çəkdiyi üçün sınağa çəkilənlərə kömək edə bilər.

İBRANİLƏRƏ 2:18

«Rəbb müqəddəs yüksəklikdən, Göylərdən yer üzünə nəzər saldı; Əsirlərin naləsini eşitmək üçün, Ölümə aparılanları azad etmək üçün».

ZƏBUR 102:19-20

Amma tutduğum yolu O tanıyır, Məni sınayan zaman qızıl kimi çıxaram.

ƏYYUB 23:10

Ruhdan düşəndə hansı yolda olduğumu bildin, Yolumda gizli tələ qurublar.

ZƏBUR 142:3

Çünki Ordular Rəbbi deyir ki, İzzəti üçün sizi qarət etmiş millətlərin yanına Məni göndərdi. Sizə toxunan Onun göz bəbəyinə toxunmuş olur.

ZƏKƏRİYYƏ 2:8

Onlar əziyyət çəkdikdə O da əziyyət çəkdi. Hüzurundan gələn mələk onları xilas etdi. Məhəbbəti və mərhəməti ilə Onları satın aldı. Bütün keçmiş günlərdə onları götürüb apardı.

YEŞAYA 63:9