28 avqust 2025, cümə axşamı

Onlar Quzunun qanı və öz şəhadət sözləri vasitəsilə Ona qalib gəldilər. Hətta ölümlə üzbəüz olanda da Öz canlarını sevmədilər.

VƏHY 12:11

Allahın seçdiyi adamları kim ittiham edə bilər? Onları saleh sayan Allahdır!

ROMALILARA 8:33

Məhkum edən kimdir? Ölmüş, üstəlik dirilmiş Məsih İsa həm Allahın sağındadır, həm də bizim üçün vəsatətçilik edir.

ROMALILARA 8:34

Allah başçıları və hakimləri tərk-silah edib, onlara çarmıxda qələbə çalaraq aləmdə rüsvay etdi.

KOLOSSELİLƏRƏ 2:15

Bu səbəbdən bu övladlar tərkibcə qan və ətdən yarandıqlarına görə İsa Özü də onların insan təbiətinə şərik oldu ki, ölüm üzərində hakimiyyət sahibi olanı, yəni iblisi Öz ölümü vasitəsilə təsirsiz hala gətirsin

İBRANİLƏRƏ 2:14

və ölüm qorxusuna görə ömürləri boyu əsarətdə olanların hamısını azad etsin.

İBRANİLƏRƏ 2:15

Lakin bizi Sevənin vasitəsilə bütün bunlarda tam qələbə qazanırıq.

ROMALILARA 8:37

İblisin hiylələrinə qarşı dura bilmək üçün Allahın verdiyi bütün zireh və silahlara bürünün.

EFESLİLƏRƏ 6:11

Xilas dəbilqəsini və Ruhun qılıncını, yəni Allahın kəlamını götürün.

EFESLİLƏRƏ 6:17

Rəbbimiz İsa Məsih vasitəsilə bizə qələbə bəxş edən Allaha şükür olsun!

1 KORİNFLİLƏRƏ 15:57