16 fevral 2026, bazar ertəsi

Məsih bizi necə sevdisə, Özünü bizim üçün Allahın xoşuna gələn ətirli təqdim və qurban olaraq fəda etdisə, siz də məhəbbətdə elə həyat sürün.

EFESLİLƏRƏ 5:2

Beləliklə, iman edən sizlər üçün bu daş qiymətlidir, amma iman etməyənlər üçün «bənnaların rədd etdiyi daş guşədaşı olub»,

1 PETER 2:7

Buna görə də Allah Onu çox ucaltdı və Ona lütflə bütün adlardan ali bir ad verdi ki, göydə, yerdə və yerin altında olanların hamısı İsanın adına ehtiram edərək diz çöksün

FİLİPİLİLƏRƏ 2:9-10

Çünki Allahın tam bütövlüyü bədəncə Məsihdə yaşayır.

KOLOSSELİLƏRƏ 2:9

Əgər Məni sevirsinizsə, əmrlərimə riayət edəcəksiniz.

YƏHYA 14:15

Ümidimiz də boşa çıxmır, çünki Allah məhəbbəti bizə verilən Müqəddəs Ruh vasitəsilə ürəklərimizə tökülüb.

ROMALILARA 5:5

Məryəm isə bir litra çox qiymətli xalis nard yağını götürərək İsanın ayaqlarına çəkib onları saçları ilə sildi. Yağın ətri evi bürüdü.

YƏHYA 12:3

Onlar Peter və Yəhyanın cəsarətini görəndə, onların savadsız, sadə insanlar olduğunu biləndə heyrətə düşdülər, amma tanıdılar ki, onlar İsa ilə birgə olmuşdular.

HƏVARİLƏRİN İŞLƏRİ 4:13

Ey Xudavəndimiz Rəbb, İsmin bütün yer üzündə nə qədər əzəmətlidir! Ehtişamın göylərə qalxır!

ZƏBUR 8:1

«Budur, bakirə qız hamilə olub Oğlan doğacaq, adını İmmanuel qoyacaqlar». «İmmanuel» «Allah bizimlədir» deməkdir.

MATTA 1:23

Çünki bizim üçün körpə doğuldu, Bizə oğul verildi, Hakimiyyət onun çiyinləri üzərində olacaq, Onun adı Ecazkar Məsləhətçi, Qüdrətli Allah, Əbədi Ata, Sülh Hökmdarı olacaq.

YEŞAYA 9:6

Rəbbin adı qüvvətli bir qaladır, Saleh qaçıb ona pənah aparır.

SÜLEYMANIN MƏSƏLLƏRİ 18:10