21 aprel 2026, çərşənbə axşamı

Hər addımını yaxından izlədim, Azmadan yoluna bağlı qaldım.

ƏYYUB 23:11

Çünki Rəbb ədaləti sevir, Heç zaman möminlərini tərk etmir. Salehlər daim müdafiə olunacaq, Pislər nəsilliklə kəsilib atılacaq.

ZƏBUR 37:28

Rəbb səni hər cür şərdən saxlayar, Canını qoruyar.

ZƏBUR 121:7

Amma saleh adamım imanla yaşayacaq. Əgər geri çəkilsə, ondan razı qalmayacağam». Bizsə geri çəkilib həlak olanlardan deyilik; iman edib canlarının xilasına nail olanlardanıq.

İBRANİLƏRƏ 10:38-39

Onlar bizim aramızdan çıxdılar, amma bizə məxsus deyildilər. Əgər bizə məxsus olsaydılar, bizimlə qalardılar. Amma qalmadılar ki, heç birinin bizə məxsus olmadığı aşkara çıxsın.

1 YƏHYA 2:19

O zaman İsa Ona inanmış Yəhudilərə dedi: «Əgər siz Mənim sözümə sadiq qalsanız, həqiqətən, Mənim şagirdlərimsiniz.

YƏHYA 8:31

Amma axıracan dözən xilas olacaq.

MATTA 24:13

Ayıq olun, imanda sabit durun, mərd və möhkəm olun.

1 KORİNFLİLƏRƏ 16:13

Tezliklə gəlirəm. Nəyin varsa, ona bağlı qal ki, heç kəs tacını götürməsin.

VƏHY 3:11

Qalib gələn hər kəs də ağ paltar geyinəcək. Mən onun adını həyat kitabından əsla silməyəcəyəm, Atamın və Onun mələklərinin önündə adını iqrar edəcəyəm.

VƏHY 3:5