14 mart 2023, çərşənbə axşamı

Lakin həyat tərziniz Məsihin Müjdəsinə layiq olsun. Gəlib sizi görsəm də, gəlməyib haqqınızda eşitsəm də, bilim ki, siz bir ruhda möhkəm dayanıb Müjdəyə əsaslanan imanda canbir olaraq səy göstərirsiniz

FİLİPİLİLƏRƏ 1:27

Hər cür şərdən uzaq durun.

1 SALONİKLİLƏRƏ 5:22

nöqsansız və saf olaraq bu əyri və azmış nəsil arasında Allahın ləkəsiz övladları olasınız. Onların arasında dünyanın nuru kimi parlayın.

FİLİPİLİLƏRƏ 2:15

Eləcə də sizin nurunuz insanların qarşısında elə parlasın ki, onlar xeyirxah işlərinizi görüb göylərdə olan Atanızı izzətləndirsinlər.

MATTA 5:16

Qoy səni xeyirxahlıq və sədaqət tərk etməsin, Onları boynuna bağla, ürəyinin lövhəsinə yaz. Onda Allahın və insanların gözündə Lütf tapıb şərəfə çatarsan.

SÜLEYMANIN MƏSƏLLƏRİ 3:3-4

Nəhayət, qardaşlar, doğru, ləyaqətli, saleh, pak, cazibəli, etibarlı nə varsa, əgər əla və tərifə layiq nə varsa, bunları düşünün.

FİLİPİLİLƏRƏ 4:8