20 mart 2023, bazar ertəsi

Məsihdən eşitdiyimiz və sizə elan etdiyimiz xəbər budur: Allah nurdur və Onda zərrə qədər də qaranlıq yoxdur.

1 YƏHYA 1:5

Çünki «zülmətdən işıq parlayacaq» deyən Allah ürəyimizə nur saçdı ki, İsa Məsihin üzündən saçan Öz ehtişamını tanımağımızdan doğan nuru bizə versin.

2 KORİNFLİLƏRƏ 4:6

Başlanğıcda Kəlam var idi. Kəlam Allahla birlikdə idi. Kəlam Allah idi.

YƏHYA 1:1

Həyat Onda idi və bu həyat insanların nuru idi.

YƏHYA 1:4

Amma O, nurda olduğu kimi biz də nurda gəziriksə, onda bir-birimizlə şərikliyimiz var və Onun Oğlu İsanın qanı bizi hər günahdan təmizləyir.

1 YƏHYA 1:7

Sənə qarşı günah etməyim deyə Kəlamını qəlbimdə qoruyub saxlamışam.

ZƏBUR 119:11

Sizə söylədiyim söz sayəsində siz artıq təmizsiniz.

YƏHYA 15:3

Siz də bir zamanlar zülmət idiniz, indi isə Rəbdə nursunuz. Ona görə də nur övladları kimi həyat sürün.

EFESLİLƏRƏ 5:8

Amma siz seçilmiş nəsil, Padşahın kahin dəstəsi, müqəddəs millət, Allaha məxsus olan xalqsınız. Sizi qaranlıqdan Öz heyrətamiz nuruna çağıran Allahın çox gözəl işlərini elan etmək üçün seçilmisiniz.

1 PETER 2:9