23 mart 2023, cümə axşamı

Nə qədər müqəddəssən! İsrailin həmdləri üzərində taxt quran Sənsən!

ZƏBUR 22:3

Allah dedi: «Buraya yaxınlaşma. Ayaqlarından çarıqlarını çıxart, çünki durduğun yer müqəddəs torpaqdır». Sonra dedi: «Mən atanın Allahı, İbrahimin Allahı, İshaqın Allahı və Yaqubun Allahıyam». Musa üzünü örtdü, çünki Allaha baxmağa qorxurdu.

ÇIXIŞ 3:5-6

«Bəs Məni onda kimə bənzədərsiniz ki, Mən ona oxşayım?» Deyir Müqəddəs Olan.

YEŞAYA 40:25

Çünki Mən sənin Allahın Rəbbəm, İsrailin Müqəddəsiyəm, Sənin Xilaskarınam. Misiri sənin üçün fidyə, Kuş və Seva ölkələrini Sənin azadlığının əvəzinə verdim.

YEŞAYA 43:3

Mənəm Rəbb, yalnız Mənəm, Məndən başqa qurtarıcı yoxdur.

YEŞAYA 43:11

Amma sizi çağıran Allah müqəddəs olduğuna uyğun olaraq siz də bütün həyat tərzinizdə müqəddəs olun, necə ki yazılıb: «Müqəddəs olun, çünki Mən müqəddəsəm».

1 PETER 1:15-16

Məgər bilmirsiniz ki, bədəniniz Allahdan aldığınız, sizdə yaşayan Müqəddəs Ruhun məbədidir? Siz özünüzə məxsus deyilsiniz,

1 KORİNFLİLƏRƏ 6:19

Allahın məbədi ilə bütlərin sazişi ola bilərmi? Çünki biz var olan Allahın məbədiyik. Belə ki Allah demişdi: «Mən aralarında yaşayıb-dolanacağam, Onların Allahı olacağam, Onlar da Mənim xalqım olacaq».

2 KORİNFLİLƏRƏ 6:16

İki nəfər razılaşıb görüşməsə, Birgə yol gedərmi?

AMOS 3:3