14 dekabr 2024, şənbə

Çünki bir zamanlar biz də ağılsız, itaətsiz, yolunu azmış, müxtəlif ehtiraslar və zövqlərə qul olan, kin, paxıllıq içində yaşayan mənfur və bir-birimizə nifrət edən adamlar idik.

TİTƏ 3:3

Sənə “yenidən doğulmalısınız” dediyimə heyrət etmə.

YƏHYA 3:7

Onda Əyyub Rəbbə belə cavab verdi: «Mənim gərəksizliyimə bax, Sənə necə cavab verim, Ağzımı əlimlə tutmuşam.

ƏYYUB 40:3-4

Rəbb ona dedi: «Qulum Əyyuba yaxşı-yaxşı nəzər sala bildinmi? Axı yer üzərində onun kimisi yoxdur. O, kamil, əməlisaleh, Allahdan qorxan və özünü şərdən uzaq saxlayan bir adamdır».

ƏYYUB 1:8

Mən doğulandan bəri günahkaram, Ana bətnindən belə, təqsirkaram.

ZƏBUR 51:5

Onu aradan götürəndən sonra Allah Davudu ucaldıb onların üzərində padşah etdi və onun barəsində şəhadət etdi: “Öz ürəyimə yatan adam olaraq Yessey oğlu Davudu tapdım və o Mənim bütün istədiklərimi yerinə yetirəcək”.

HƏVARİLƏRİN İŞLƏRİ 13:22

Əvvəllər Ona küfr edən, təqibçi və söyüşkən olduğum halda mənə mərhəmət edildi. Çünki nə etdimsə, cahillik və imansızlıq üzündən etdim.

1 TİMOTEYƏ 1:13

Bəşərdən doğulan bəşərdir, Ruhdan doğulan ruhdur.

YƏHYA 3:6