18 dekabr 2024, çərşənbə

Rəbb Ruhdur, Rəbbin Ruhu haradadırsa, azadlıq da oradadır.

2 KORİNFLİLƏRƏ 3:17

Çünki həyat verən Ruhun qanunu səni günah və ölüm qanunundan Məsih İsa vasitəsilə azad etdi.

ROMALILARA 8:2

Buna görə də əgər Oğul sizi azad etsə, həqiqətən də, azad olacaqsınız.

YƏHYA 8:36

Buna görə, qardaşlar, biz cariyənin deyil, azad qadının övladlarıyıq.

QALATİYALILARA 4:31

Lakin biz bilirik ki, insan Qanuna əməl etməklə deyil, yalnız İsa Məsihə iman etməklə saleh sayılır. Biz də Məsih İsaya iman etdik ki, Qanuna əməl etməklə deyil, Məsihə olan imanla saleh sayılaq. Çünki Qanuna əməl etməklə heç bir insan saleh sayılmaz.

QALATİYALILARA 2:16

Lakin kamil qanuna, azadlıq qanununa diqqətlə baxıb ona bağlı qalan şəxs unutqan eşidən deyil, əməldə icraçıdır; belə adam öz işində nə bəxtiyardır!

YAQUB 1:25

Məsih azad olmağımız üçün bizi azad etdi. Ona görə də möhkəm durun və yenidən köləlik boyunduruğuna tabe olmayın.

QALATİYALILARA 5:1