3 sentyabr 2025, çərşənbə

Rəbb qorxusu pisliyə nifrət etməkdir, Lovğalığa, təkəbbürə, pis yola, Hiyləli dilə nifrət edərəm.

SÜLEYMANIN MƏSƏLLƏRİ 8:13

Qoy məhəbbətiniz riyasız olsun. Pislikdən ikrah edin, yaxşılığa bağlanın.

ROMALILARA 12:9

Hər cür şərdən uzaq durun.

1 SALONİKLİLƏRƏ 5:22

Diqqət edin ki, heç kim Allahın lütfündən məhrum olmasın, aranızda bir acı kök böyüyüb əziyyət verməsin və bununla bir çoxlarını murdar etməsin.

İBRANİLƏRƏ 12:15

Mən qəlbimdə təqsirə yer versəydim, Xudavənd məni eşitməzdi.

ZƏBUR 66:18

Bunun əvəzinə qoy insan özünü yoxlasın və sonra bu çörəkdən yeyib bu kasadan içsin.

1 KORİNFLİLƏRƏ 11:28

Lakin Allahın atdığı möhkəm təməl bu sözlərlə möhürlənib durur: «Rəbb Özününküləri tanıyır» və «Rəbbin adını ağzına alan hər kəs haqsızlıqdan uzaqlaşsın».

2 TİMOTEYƏ 2:19

Həqiqətən, bizə belə bir Baş Kahinin olması münasibdir ki, O, müqəddəs, günahsız, ləkəsiz, günahkarlardan ayrılmış, göylərdən daha ucalara qaldırılmış olsun.

İBRANİLƏRƏ 7:26

Siz bilirsiniz ki, Məsih günahları aradan qaldırmaq üçün zühur etdi. Onda günah yoxdur.

1 YƏHYA 3:5