23 aprel 2026, cümə axşamı

Doğrudan da, təpələrdən, dağlardan gələn Hay-küy yalandır. Əslində İsrailin xilası Allahımız Rəbdədir.

YEREMYA 3:23

Rəbb qayam, qalam, xilaskarımdır, Allahım qayamdır, Ona pənah gətirəcəyəm, Odur qalxanım, qüdrətli qurtarıcım, qülləm.

ZƏBUR 18:2

Ey Sion sakinləri, səsinizi ucaldın, Sevinclə çığırın, Çünki aranızdakı İsrailin Müqəddəsi böyükdür».

YEŞAYA 12:6

Rəbdən qorxanları Onun mələyi müdafiə edər, Onlara zəfər verər.

ZƏBUR 34:7

Salehlər fəryad çəkəndə Rəbb eşidir, Onları bütün əzablarından azad edir.

ZƏBUR 34:17

Pənahgahın əzəli əbədi Allahdır, Səni daim qollarında gəzdirər. Düşmənlərini qarşından qovar, “Yox et onları!” sənə deyər.

QANUNUN TƏKRARI 33:27

Buna görə biz arxayınlıqla deyirik: «Rəbb mənə yardım edəndir, heç qorxmaram. İnsan mənə nə edə bilər?»

İBRANİLƏRƏ 13:6

Rəbdən başqa Allah kimdir ki? Allahımızdan başqa qaya kimdir ki? Allah məni qüvvəsi ilə bürüyər, Yolumu kamil edər.

ZƏBUR 18:31-32

Amma indi hər nəyəmsə, Allahın lütfü ilə eləyəm. Onun mənə göstərdiyi lütf əbəs deyildi, çünki mən hamıdan çox zəhmət çəkdim. Əslində mən yox, Allahın mənimlə birgə fəaliyyətdə olan lütfü bu zəhməti çəkdi.

1 KORİNFLİLƏRƏ 15:10